ACTUALIDADE
A Asemblea Xeral é o órgano supremo de toma de decisións do colexio, formado por todas as persoas colexiadas. Cada ano reúnese como mínimo unha vez para marcar o rumbo do colexio.
A xornada da Asemblea 2020, ademais, será un espazo para o encontro, para o intercambio e para o recoñecemento. Por iso a Asemblea vén acompañada dunha serie de actos abertos ao público, como son a formación sobre o Informe socioeducativo (ISE), a presentación do nº 13 da revista Galeduso –monográfico sobre Educación Social e Escola-, a entrega de premios da 5ª e 6ª edición do Concurso TFG.eduso, e o acto de nomeamento como Colexiado de Honra de Alberto Fernández de Sanmamed Santos. Rematando a xornada, celebrarase a Asemblea, na que se exporán as memorias de actividades e económica, se debaterán os plans de traballo e orzamentos para o 2020 e se sorteará unha inscrición gratuíta ao VIII Congreso Estatal de Educación Social.
Para unha mellor organización, pregamos confirmar asistencia. Tamén queremos xestionar posibles desprazamentos ata o lugar de celebración, polo que, se non tes posibilidade de desprazamento ou se vas levar o coche e tes algunha praza libre que poidas ofrecer, infórmanos para organizalo.
Data: venres 28 de febreiro de 2020.
Lugar: Pazo de Mariñán (Bergondo)
O Consello Xeral de Colexios de Educadoras e Educadores Sociais estrea páxina web.
A nova páxina recolle en portada temas destacados de actualidade, con espazo reservado para enlazar coa revista RES, co portal eduso.net, coa actividade do consello nas redes sociais, entre outros recursos. Noutras seccións pode consultarse información xeral sobre a entidade, a súa historia, documentación de transparencia, actividades, etc.
A web está en constante proceso de actualización e mellora. E aquí está, esperando que a navegues e a descubras:
https://www.consejoeducacionsocial.net/
Estas son as ofertas de emprego máis recentes publicadas na nosa web:
- Educador/a social
- Técnica/o social
- Técnica/o teleasistencia
- Bolseira/o educación social
- Educador/a social - igualdade
Se estás na procura de emprego, non esquezas revisar frecuentemente a información sobre emprego na nosa web, onde imos publicando todas as ofertas que coñecemos ou que nos fan chegar as entidades que precisan de educadoras/es sociais. Para os detalles das ofertas publicadas recentemente, entra na Bolsa de Emprego do Ceesg.
Estas son as ofertas de emprego máis recentes publicadas na nosa web:
- T. de lanzadeira de emprego.
- T. de inserción
- Orientador/a laboral
- Orientador/a laboral
- T. inserción e prospección laboral
- T. oficina acciónsocial
- Responsable desenvolvemento social
- T. orientación laboral
- T. de igualdade
- T. de servizos sociais
- Axente de desenvolvemento local
Se estás na procura de emprego, non esquezas revisar frecuentemente a información sobre emprego na nosa web, onde imos publicando todas as ofertas que coñecemos ou que nos fan chegar as entidades que precisan de educadoras/es sociais.
Para os detalles das ofertas publicadas recentemente, entra na Bolsa de Emprego do Ceesg.
Dende o Ceesg queremos promover a asistencia ao Congreso Estatal de Educación Social que se celebrará en Zaragoza do 16 ao 18 de abril deste ano.
Por iso, imos sortear catro inscricións gratuítas. E o primeiro sorteo xa está en marcha!
Sorteamos dúas inscricións en Facebook.
E recorda que a organización do Congreso ten en marcha outros dous sorteos: un para estudantes (ver información) e outro para profesionais (ver información)
Enlace ao post do sorteo
O sorteo das outras dúas inscricións por parte do Ceesg celebrarase na Asemblea colexial, entre as persoas asistentes.
Este ano celebraranse eleccións autonómicas en Galicia, delas sairán un novo Parlamento Galego e un novo goberno da Xunta de Galicia.
Desde o Ceesg queremos contribuír á construción dunhas políticas públicas máis xustas.
Queremos seguir construíndo unha sociedade inclusiva e igualitaria que atenda e respete todas ás diversidades e non deixe fóra a ninguén. Queremos facer chegar aos partidos políticos as nosas demandas para que o dereito da cidadanía á Educación Social sexa garantido.
Por iso, abrimos este proceso participativo para que a Educación Social galega teña a súa propia voz. E pedímosche a ti, colexiada/o, que nos fagas chegar as túas demandas, ideas, peticións. Con elas elaboraremos un documento coas nosas propostas de medidas electorais que faremos chegar a todos os partidos que concurran nestas eleccións.
Podes enviarnos as túas propostas ao seguinte mail administracion@ceesg.org ata o 10 de marzo.
#SomosEducaciónSocial