ACTUALIDADE
Comezan os traballos do número 14, centrado en Renda Básica.
A participación no Consello de Redacción está aberta a toda colexiada/o que o desexe.
A Revista Galeduso é un dos principais soportes de comunicación do Colexio, vía de expresión das educadoras e dos educadores sociais, fonte de intercambio científico e profesional, contedor de experiencias e boas prácticas na Educación Social, xerador de propostas reivindicativas de mellora no noso campo profesional e na sociedade no seu conxunto. Dende o ano 2010 ten un carácter monográfico, abordando en profundidade os temas emerxentes na Educación Social, nos seus distintos ámbitos de actuación, dende a óptica da reflexión e investigación-acción, unindo praxe e teoría, como vía de transformación social.
O próximo número da Revista, o 14, será un monográfico sobre Educación Social e Renda Básica.
A Renda Básica pódese definir coma un ingreso regular que permite levar unha vida digna (suficiente) para cada membro da sociedade (universal) polo simple feito de ter nacido (incondicional) e xestionada por cada quen (individual).
En marzo do ano 2019, o Concello da Coruña e o Colexio de Educadoras e Educadores Sociais de Galicia organizamos as xornadas ‘Renda básica: o novo dereito social necesario’, en colaboración co Colectivo pola Renda Básica da Coruña, a Universidade da Coruña e Praza Pública, co obxectivo de abrir o debate público e dar a coñecer á cidadanía esta idea tan necesaria para afrontar un futuro incerto.
Neste novo número da revista Galeduso queremos acoller os relatorios e os enfoques presentados nesas Xornadas, facendo eco desta proposta que ten cada vez maior relevancia no debate público e que pode supoñer modificacións no modelo de intervención dos servizos sociais e na intervención dende a Educación Social.
Se che gustaría participar no Consello de Redacción contacta co Ceesg antes do 31 de decembro (tlf. 981552206 ou ceesg@ceesg.gal).
Unha nova guía ‘Os Bolechas’ conta ás nenas e nenos a que se dedican as educadoras e educadores sociais.
Esta publicación busca visibilizar a profesión e achegar un instrumento que facilite a explicación ás crianzas do papel que temos como profesionais.
‘Os Bolechas’ visitan o Ceesg, e alí explícanlle que é a Educación Social, con quen traballan as educadoras e educadores sociais, en que ámbitos, con que obxectivos, e tamén como teñen que facer para ser educadoras/es sociais.
O libro estará dispoñible proximamente, pero xa se pode facer a reserva a través da web.
O prezo é de 7€.
Poderá recollerse na sede do Ceesg, en eventos presenciais organizados polo colexio, e tamén intentaremos facilitar a distribución noutras localidades de Galicia.
Estas son as ofertas de emprego máis recentes publicadas na web do Ceesg:
- T. de Cultura
- T. Educación Social
- T. Orientador/a laboral
- Axente de Emprego e Desenvolvemento Local
- T. aux. de educación
- Educador/a
- Educador/a
- Educador/a familiar
- Axente de Desenvolvemento Local
- Animador/a sociocultural
- Axente de emprego
- T. de Cultura Medio
- T. Orientador/a laboral
- Educador/a familiar
- Director/a do CIM
- Informador/a xuvenil
- Educador/a social
- Axente de Emprego e Desenvolvemento Local
- Educador/a familiar
- Educador/a de adultos
- Axente de emprego
- Prospector/a laboral
- Orientador/a profesional para a inserción
- Educador/a social
- Educador/a para a saúde
- Educador/a social
- Educador/a social
- Educador/a social
- T. de orientación laboral
Se estás á procura de emprego, recorda visitar regularmente a nosa web para estar ao tanto de todas as novidades.
Tras a celebración da Jornada sobre el Anteproyecto de ley de condiciones básicas para la igualdad en el acceso y disfrute en los Servicios Sociales, celebrada en Madrid, o 11 de novembro de 2022, presentamos o documento definitivo resultante deste traballo conxunto do Consejo General de Psicología e do Consejo General de Colegios de Educadoras y Educadores Sociales, no que se recollen as achegas a dito anteproxecto.
Estas son as ofertas de emprego máis recentes publicadas na web do Ceesg:
- Educador/a
- Mediador/a intercultural árabe
- Educador/a social
- Coordinador/a
- Educador/a social
- Educador/a social
- Orientador/a profesional para a inserción
- T. de programas de emprego
- Educador/a social
- T. de inclusión social
- Axente de Igualdade
- Monitor/a de tempo libre
- Docentes Ciclo Educación Infantil
- Profesor/a axudante doutor/a
- Informador/a xuvenil
- Dinamizador/a cultural
- Animador/a sociocultural
- Xestor/a de talleres ocupacionais
- Orientador/a laboral
- Axente de emprego e desenvolvemento local
- Coodinador/a xeral de cooperación
Se estás á procura de emprego, recorda visitar regularmente a nosa web para estar ao tanto de todas as novidades.
O Ceesg súmase un ano máis á campaña ‘En negro contra as violencias’, que busca sensibilizar á poboación en contra das violencias machistas e a favor da igualdade tinguindo de loito os nosos espazos.
Só un día do ano é o Día Internacional para a Eliminación da Violencia contra as Mulleres, pero a violencia machista segue todos os días, forma parte do sistema. Destapémola, sinalémola, denunciémola, loitemos contra o machismo. Poñamos permanentemente os lentes violeta, que nos sitúen contra calquera violencia exercida contra as mulleres, como os discursos machistas e revictimizadores e a violencia política que estamos vendo nestes días.
Animámosvos a saír hoxe ás rúas, participando das mobilizacións que están previstas nas cidades e vilas de toda Galicia. Aquí podes ver as convocatorias.