ACTUALIDADE
No #edusoday2021 queremos facer visible a importancia que para a sociedade Ourensá ten a educación social. No ano 1991 botou a andar a Diplomatura en Educación Social no sistema universitario español. Xurdiu da resposta á necesidade de creación dunha figura profesional especializada no acompañamento socioeducativo. Ata ese momento foron profesionais con formacións moi diversas quenes foron atendendo unha demanda social que cos anos se fixo máis intensa. No ano 1995 empezou a impartirse no Campus de Ourense a Diplomatura en Educación Social. Na actualidade continúa sendo un grao. Nestes anos formáronse en Ourense unhas 1600 figuras profesionais da educación social. Actualmente contamos con profesionais especializadas en Concellos, Recursos de Protección á Infancia, Centros de Atención a Persoas Maiores, Programas de apoio a persoas en dificultade social etc.
As educadoras e educadores sociais estamos acompañando ás persoas máis vulnerables, fomentando procesos de empoderamento e facilitando espazos de seguridade persoal dende os que superar a situación de dificultade social. A ilusión e a implicación profesional posibilitou a elaboración de complexas estratexias de intervención socioeducativa. Actualmente a educación social conta con un rico corpo teórico dende o que poder afrontar as complexas realidades nas que traballamos. Aeducación social transitou da improvisación dos anos 90 a contar no día de hoxe con unha base de coñecemento científico que favorece a eficacia nas intervencións.
Nas últimas décadas, os avances na práctica profesional en educación social foron significativas, pero non todas as administracións son conscientes da importancia de contar con persoal con coñecementos especializados. Denunciamos que o Concello de Ourense está a publicar convocatorias de acceso a postos específicos da educación social nos que que dispor da Diplomatura e/ou o Grao en educación social non é un requisito. Por este motivo, preguntámonos si o Alcalde de Ourense coñece as consecuencias que ten para as persoas vulnerables ser acompañadas por persoal non especializado. Non entendemos como nunha cidade na que se forman Educadores/as sociais o concello non valore a calidade das ensinanzas impartidas no campus de Ourense. Actualmente está fomentando o intrusismo laboral, amosando un descoñecemento absoluto dos contextos de intervención socioeducativa. A situación vese agravada polas consecuencias da pandemia que estamos a vivir. O Concello de Ourense precisa activar recursos de acompañamento socioeducativo que apoien a colectivos en dificultade e
posibiliten a familias e a adolescentes contar con apoio especializado. Solicitamos que o Concello de Ourense active convocatorias de persoal nas que se esixa coñecemento especializado para o acceso ao posto de educador/a social.
O sentido común di que queremos uns servizos públicos eficaces que garantan o dereito da cidadanía á educación social. Tendo a profesionais especializados como é posible que se renuncie a esa especialización e se pretenda contratar a persoas sen os coñecementos precisos?.
Por unha sociedade máis equitativa e xusta. Por moita educación social en Ourense e en Galicia.
Feliz #DIES2021 #edusoday2021
Grazas.
Estas son as ofertas de emprego máis recentes publicadas na web do Ceesg:
- Educador/a
- Educador/a ambiental
- Dinamizador/a defensa de persoas consumidaores
- Técnica/o social
- Técnica/o social área maiores
- Técnica/o de inclusión sociolaboral
- Técnica/o de emprendemento
- Educador/a social
- Monitor/a de Educación e tempo libre
- Monitor/a de Educación e tempo libre
- Monitor/a de Educación e tempo libre
- Monitor/a sociocultural
Se estás á procura de emprego, recorda visitar regularmente a nosa web para estar ao tanto de todas as novidades.
O vindeiro mércores 26 de maio non haberá atención pola tarde. A atención ao público será pola mañá no horario habitual (9:00-14:00 h.)
Recordamos que para a atención presencial é necesario acordar cita previa no teléfono 981552206.
Lamentamos as molestias.
Estas son as ofertas de emprego máis recentes publicadas na web do Ceesg:
- Animador/a sociocultural
- Educador/a de familia
- Orientador/a laboral
- Técnica/o social
- Director/a de centro sociosanitario
- Orientador/a laboral
- Monitor/a
- Coordinador/a de proxectos de formación
- Técnica/o de emprego e orientación
- Técnica/o de emprego - programa de migracións
- Educador/a Punto de Entontro
Se estás á procura de emprego, recorda visitar regularmente a nosa web para estar ao tanto de todas as novidades.
Dende o Colexio de e Educadores Sociais de Galicia (Ceesg), denunciamos unha vez máis a falta de consideración e recoñecemento da nosa profesión no ámbito da saúde mental.
Tras a publicación do Plan de Saúde Mental de Galicia poscovid19 2020-2024, observamos como, unha vez máis, a contribución das e dos profesionais da Educación Social segue sen ser tida en consideración, a pesar de estar presente en diferentes programas, recursos, equipamentos e institucións deste ámbito, a pesar de ser traballadoras esenciais antes, durante e despois da pandemia e a pesar de ser profesionais de referencia para moitas persoas usuarias e familias destes recursos de atención.
O Colexio de Educadoras e Educadores Sociais de Galicia non se ten en conta para a elaboración dun plan que ten coma pilares fundamentais o acompañamento de persoas usuarias e familias nos procesos de recuperación, as accións comunitarias e o traballo socioeducativo, algo inexplicable.
Por todo o anterior exposto, reclamamos a valoración da nosa profesión neste ámbito, no desenvolvemento do Plan Galego de Saúde Mental de Galicia e nas posteriores revisións.
Colexio de Educadoras e Educadores Sociais de Galicia.
13 de xaneiro de 2021.
O Ceesg subscribe e apoia as reivindicacións de Materfem (Maternidades Feministas Galegas) sobre a conciliación e volta á escola o vindeiro curso, que veñen de poñer por escrito co lema ‘Relegarnos dos coidados non é conciliar’.
Porque é necesario poñer no centro do discurso político os coidados e polo dereito á conciliación.