A Facultade de Ciencias da Educación, da Universidade da Coruña, está a deseñar un Mestrado oficial de carácter mixto (profesionalizante e de investigación) que especialice na facilitación de procesos participativos, competencia esencial no exercicio profesional da Educación Social crítica, inclusiva e transformadora.

Tras organizar varios grupos de discusión (nos que teñen participado representantes do Ceesg e dos seus grupos de taballo), precisan agora coñecer o interese e valoración deste Mestrado por parte das/os profesionais e alumnado dos últimos cursos. Para isto, solicitan ás educadoras/es sociais que respondamos a un cuestionario que pode achegarlles esta información.

Acceder á enquisa

(na presentación explican o obxectivo que se persegue entre outras cuestións)

Responder o cuestionario leva como moito 10 minutos.

O Colegio de Ciencias Políticas y Sociología de Andalucía organiza un curso de Orientación Laboral que se levará a cabo de xeito telemático cunha duración de 30 horas.

O Curso comeza o día 1 de xuño pero hai posibilidade de inscribirse ata o día 15.

A organización bonifica este curso reducindo o importe da matrícula nun 40% ao público en xeral e un 60% a persoas colexiadas.

Quen desexe facer a inscrición con este prezo reducido, debe contactar no correo colegio@colpolsoc-andalucia.org achegando un certificado dixitalizado que acredite a súa colexiación.

Información detallada do curso

O Ceesg non organiza nin patrocina esta actividade, nin se fai responsable do seu contido nin das condicións de contratación, que serán directamente coa empresa ofertante.

Ante a proximidade das eleccións galegas os colectivos asinantes da campaña ‘Nin risga nin ingreso mínimo vital, renda básica XA’ presentarán en roldas de prensa simultáneas na Coruña, Vigo e Santiago de Compostela o martes 23 de xuño as súas propostas para que a renda básica serva de base a unhas novas políticas sociais.

• En Compostela: ás 11:00 h en San Caetano, enfronte da Estación de Autobuses.
• En Vigo: ás 11:00 h diante do Edificio Administrativo da Xunta, na Rúa Concepción Arenal nº 8.
• En A Coruña: ás 11:00 h diante das Oficinas da Xunta na Praza Pontevedra nº 22.

Consideramos que o estado de alarma deixou en evidencia a inacción da Xunta, algo que por desgraza viñamos padecendo de antes e agora quedou ao descuberto. A desescalada acelérase e a máquina das eleccións ponse en marcha como si nada tivera pasado nestes meses.

As políticas galegas que se puxeron en marcha neste tempo son minúsculas ante a magnitude da crise sanitaria, económica e social que estamos a vivir. Queda claro que non todas as vidas importan.

Ante esta situación presentamos as nosas proposta en catro aspectos que cómpre mellorar con urxencia:- Renda Básica fronte a RISGA ou Ingreso Mínimo Vital…

• Dereito a vivenda.
• Dereitos da Poboación migrante.
• Dereitos das Persoas Maiores

Rematando esixindo que o vindeiro goberno da Xunta, asuma a proposta dunha RENDA BÁSICA suficiente, incondicional, universal e incorporada como pleno dereito da cidadanía, como base dunha nova política social, que xire entorno ao conxunto de necesidades das persoas e que teña en conta ao conxunto da cidadanía nas súas diversidades.

Os colectvos asinantes da Campaña son: Foro Galego de Inmigración, Oficina Dereitos Sociais de Coia, Colectivos pola Renda Básica Universal de Compostela, Betanzos e A Coruña, Boa Vida, SOS Racismo Galicia, ONGD Viraventos, Colexio de Educadoras e Educadores Sociais de Galicia, Coordinación Baladre contra a precariedade, o empobrecemento e a exclusión social, Coordinadora de Crentes Galeg@s, Asociación Fuco Buxán, Vangarda Obreira da Coruña.

Comunicado do Ceesg en relación a Lei orgánica de protección integral á infancia e adolescencia fronte a violencia.

A EDUCACIÓN SOCIAL XA ESTÁ PRESENTE.

Estamos presentes na vida de nenas e nenos e de familias en accións grupais e individuais dende a súa infancia.

Estamos presentes ó carón das familias nos acompañamentos socioeducativos que se realizan para favorecer apoios reais.

Estamos presentes sendo referentes reais ó longo da vida de moitas crianzas, nos centros escolares e centros de protección, a través dos servizos sociais comunitarios, permitíndonos acompañala, favorecendo factores de protección que rebaixen a vulnerabilidade que, en ocasións, acompaña ás persoas dende o comezo da súa vida.

A Lei orgánica de protección integral á infancia e adolescencia fronte a violencia debe asegurar a formación necesaria das profesionais que acompañamos a nenas, nenos e familias e debe asegurar a intervención dende a prevención, como proposta da Educación Social.

Nomear novas figuras profesionais inexistentes non fai máis que diluír responsabilidades; a Educación Social non quere eludir as responsabilidades que supón dar a man durante anos ás persoas que o precisan.

Dende hai anos a Educación Social está presente na escola realizando accións educativas de xeito individual ou grupal por varias vías:

• A través dos Servizos Sociais Comunitarios. En Galicia a figura da Educación Social remóntase ós anos 80 coa incorporación dos programas de Educación Familiar nos que a Educación Social a través do acompañamento socioeducativo como base da intervención funciona de apoio ás familias e especialmente a nenos e nenas.
• A través da contratación externa por parte dos Concellos, das ANPAS e dos propios centros educativos, que sempre depositaron a súa confianza na nosa figura profesional para levar a cabo programas socioeducativos de prevención, e sensibilización en diversos ámbitos.
• Coa incorporación da Educación Social de xeito normalizado no sistema educativo a través da contratación directa por parte das administracións autonómicas, como nos casos de comunidades como Estremadura, Castela A Mancha, Andalucía e Canarias.

É necesario evitar que os cambios que a lei propón se convertan en postos baleiros de contido con profesionais sen experiencia no sector e que non sirvan como figuras de referencia reais. Se o que se busca é a protección eficaz e de calidade debemos atender a figuras profesionais cunha formación que teña unha base pedagóxica e manexe as ferramentas da intervención socioeducativa directa con nenos e nenas e coas familias. A Educación Social é a resposta idónea para completar a atención integral dos centros educativos, entendidos como espazos de aprendizaxe, socialización, convivencia e protección social.

Colexio de Educadoras e Educadores Sociais de Galicia

Á vista do proxecto da ‘Ley de Protección a la Infancia y la Adolescencia frente a la Violencia’, o CGCEES solicitará que as funcións das educadoras/es sociais non sexan usurpadas, xa que a figura de coordinador/a de benestar e protección definido nesta norma é claramente o de educador/a social. O Consello insta ademais á inclusión de educadoras y educadores sociais en todos os centros educativos.

Para saber máis sobre esta proposta:

Ver comunicado do CGCEES.

Compartimos o cuestionario que o grupo SEPA-interea está usando para a recollida de datos sobre conciliación e lecer nas familias con fillas e fillos en Educación Primaria durante o confinamiento. Isto serviralles para facer propostas para o vindeiro curso escolar.
Animamos a cubrilo ás persoas que teñades fillas/os escolarizados en Educación Primaria.

Ir ao cuestionario.