Este ano celebraranse eleccións autonómicas en Galicia, delas sairá un novo Parlamento Galego e un novo goberno da Xunta de Galicia.

Co obxectivo de contribuír á construción dunhas políticas públicas máis xustas, comezamos un proceso de recollida de propostas hai xa semanas, mais o envío desas propostas aos partidos políticos quedou pausado polo estado de alarma. Agora que as eleccións volven á axenda política, cunha situación na que están medrando situacións de vulnerabilidade que requiren unha atención aínda maior ao plano socioeducativo, retomamos este proceso de novo.

Queremos que a Educación Social galega teña a súa propia voz nas políticas públicas. Neste proceso, pedímosche a ti, colexiada/o, que nos fagas chegar as túas demandas, ideas, peticións. Con elas elaboraremos un documento coas nosas propostas de medidas electorais que faremos chegar a todos os partidos que concurran nestas eleccións.

Queremos seguir construíndo unha sociedade inclusiva e igualitaria que atenda e respete todas ás diversidades e non deixe fóra a ninguén.
Queremos facer chegar aos partidos políticos as nosas demandas para que o dereito da cidadanía á Educación Social sexa garantido.

Podes enviarnos as túas propostas a servizos.colexiais@ceesg.org ata o domingo 31 de maio.

#SomosEducaciónSocial

Ante as dúbidas respecto da deducibilidade fiscal das cotas colexiais, en relación á obrigatoriedade de colexiación ante a falta de reserva de actividade por lei estatal, dende o Ceesg formulouse unha consulta vinculante ao respecto, dirixida á Dirección General de Tributos do Ministerio de Hacienda, da que trasladamos a resposta: Descargar

Complementariamente, dado que a Dirección General de Tributos non aclara suficientemente a cuestión, desde o Ceesg tamén formalizaremos nos próximos días consulta vinculante á Presidencia da Xunta de Galicia, da que achegaremos resposta cando se reciba.

Dende o Ceesg defendemos a colexiación obrigatoria para o exercicio da profesión, tal como se recolle no plan de traballo aprobado pola Asemblea Xeral deste ano 2020.

O xoves 21 de maio o Ceesg non terá atención, por festividade local.

Recordamos que neste momento e ata novo aviso, continúa a atención telefónica e vía correo-e no horario e teléfono habitual (de 9:00 a 14:00 e de 17:00 a 19:00 h.)

A partir do 1 de xuño comeza o horario de verán (de 8:00 a 15:00 h., ata o 30 de setembro)

Convidamos ás colexiadas que traballan como autónomas ou que teñen algunha empresa ou iniciativa relacionada coa Educación Social, a que compartan connosco algún vídeo no que nos se recollan actividades: lúdicas, culturais, artísticas, ecolóxicas, coeducativas, autocoidado, relaxación, etc. que poidan resultarnos útiles durante este tempo de confinamento.

Configuraremos así unha guía audiovisual de recursos para educadoras/es sociais, ademais de coñecer a algunhas das compañeiras que traballan por conta propia no eido da Educación Social.

Os vídeos compartiranse cada dous ou tres días nas nosas redes sociais, e iremos actualizando o programa na páxina web do Ceesg.

Neste CALENDARIO iremos actualizando o programa e os enlaces a todos os vídeos:

Profesionais e investigadoras/es de diferentes universidades españolas están levando a cabo unha investigación sobre o papel das profesionais da Educación Social e o Traballo Social ante a Crise da Covid-19 co obxectivo de coñecer aqueles sectores de poboación que sofren con maior intesidade os problemas derivados das medidas tidas en conta polo Goberno central, así como os problemas cos que se enfrontan as os profesionais.

Se queres colaborar, só tes que cubrir un cuestionario. O tempo estimado para cubrilo é de 10 minutos.
Ir ao cuestionario

Recompilamos na nosa web información de entidades que ofertan nestes momentos de confinamento formación en liña gratuíta que pode ser de interese para educadoras e educadores sociais.

Esta información irase actualizando mentres continúe o estado de alarma e situación de confinamento.

Accede á sección