ACTUALIDADE
Cada ano, o Colexio de Educadoras e Educadores Sociais de Galicia (Ceesg) elabora unha listaxe de profesionais dispostas/os a actuar como peritas/os. Para este fin, ten aprobado un regulamento específico que foi adaptado recentemente á nova regulación de protección de datos persoais.
A actividade pericial consiste na valoración obxectiva por parte de persoal experto dunha determinada situación ou feito, que pode ser influínte para a decisión xudicial, e pode ser empregado como proba nun xuízo. Este proceso está regulado pola Lei 1/2000, de 7 de xaneiro, de Axuizamento Civil.
As persoas que actúan como peritas/os prestan este servizo por conta propia (non hai contratación laboral co xulgado). Aínda que a formación e experiencia non son requisito para integrarse nesta lista, dende o Ceesg recomendamos ter algunha formación específica na materia e experiencia como educador/a social, pois é fundamental coñecer como funcionan os procedementos xudiciais, as designacións, situacións de incompatibilidade, ter práctica na redacción de informes, etc.
Quen queira solicitar a súa inclusión nas listas de peritaxe, pode facelo cubrindo e enviando ao Ceesg a solicitude a servizos.colexiais@ceesg.gal.
PRAZO ata o 31 de decembro de 2021 (incluído)
Os datos que se faciliten enviaranse a Xulgados e Tribunais, ou facilitaranse ás entidades/persoas que poidan ter interese en contar cos servizos profesionais dunha/dun perita/o de parte.
25 de novembro, Día Internacional pola eliminación das violencias contra as mulleres.
Sumámonos un ano máis á campaña ‘En Negro contra as violencias’, unha acción colectiva de sensibilización social, animando tamén a que todas e todos vos sumedes á iniciativa vestindo de negro xanelas, balcóns e lugares de traballo.
#ContraAsViolencias #EnNegroContraAsViolencias #ContraAsViolencias #GaliciaEnNegro #EnNegro
Web da campaña
Twitter da campaña
Estas son as ofertas de emprego máis recentes publicadas na web do Ceesg:
- Profesor/a asociado/a e Titor/a
- Téc. Aux. educ. diurna
- Orientador/a laboral
- Monitor/a de educación e tempo libre
- Educador/a familiar
- Instructor/a de actividades
- Instructor/a de activid
- Instructor/a de actividadesades
- Dirección e docencia obradoiro de emprego, atención sociosanitaria
Se estás á procura de emprego, recorda visitar regularmente a nosa web para estar ao tanto de todas as novidades.
A AIEJI (International Association of Social Educators) celebrará o seu vindeiro congreso en Lausana – Suiza do 6 ao 9 de setembro de 2022, baixo o título ‘La temporalidad en la acción educativa’.
Na súa web pode consultarse o listado de conferencias confirmadas ata a data, e tamén existe a posibilidade de ofrecer unha proposta de taller/es para impartir no congreso, que será avaliada polo comité científico.
Unha cita a nivel mundial das e dos profesionais da Educación Social.
A Universidad Nacional de Educación a Distancia (UNED) e o Consejo General de Colegios de Educadoras y Educadores Sociales (CGCEES) desenvolven un Programa Formación universitaria sobre a intervención dende a Educación Social no Sistema Educativo.
O Programa ten unha estrutura modular con tres itinerarios, conducentes a titulacións propias da UNED: Experto Universitario (30 créditos ECTS), Especialista Universitario (50 ETCS) e Máster en Investigación e Intervención desde a Educación Social no Sistema Educativo (70 ETCS).
O Programa durará do 17 de xaneiro ao 30 de setembro de 2022.
O prazo de inscrición está aberto ata o 17 de xaneiro de 2022.
Estas son as ofertas de emprego máis recentes publicadas na web do Ceesg:
- Educador/a social
- Persoal directivo e docente obradoiro dual de emprego
- Persoal directivo e docente obradoiro dual de emprego
- Técnica/o de intervención familiar
Se estás á procura de emprego, recorda visitar regularmente a nosa web para estar ao tanto de todas as novidades.