A sociedade debe proporcionar ás persoas maiores con discapacidade as oportunidades que lles permitan ser o máis autónomas posible, gozar de boa saúde e ser produtivas, fomentando así o seu benestar e creando contornas ambientais máis propicias e favorables.
Esta formación daranos a coñecer a situación actual do colectivo das persoas coa síndrome de Down ou discapacidade intelectual en relación ao envellecemento así como mostrar recursos, ferramentas e estratexias para a súa atención.

Destinatarias/os: colexiadas/os e amigas/os do Ceesg.
Data: 9 de xuño de 2022 de 16:00 a 20:00 h.
Lugar: Sede do Ceesg, Santiago de Compostela.
Inscrición: Gratuíta. Prazas limitadas, adxudicaranse por orde de inscrición.

Formulario de inscricións

Ver detalles da formación

Héctor Pose. Imaxe: La Voz de Galicia

Héctor Pose Porto é escritor e profesor na Facultade de Ciencias da Educación da Universidade da Coruña, así como reputado investigador no ámbito da acción cultural local, realidade que coñece ben polo seu labor académico e tamén por exercer de técnico municipal de Cultura e Educación durante máis dunha década.
Autor dun amplo número de artigos e participante en multitude de foros de ámbito galego, estatal e internacional, a súa visión do quefacer cultural, sobre todo dende a administración local, está firmemente asentada na dimensión socioeducativa da xestión cultural. Avogoso dunha política cultural que teña o desenvolvemento dos individuos e a sociedade como obxectivo principal, máis alá da mera conexión entre creador e consumidor de productos culturais, e das súas servidumes patrimoniais, económicas e politicas, defende a importancia da animación sociocultural e o desenvolvemento comunitario como metodoloxías substantivas, principais e irrenunciables da cultura pública local.
O pasado día 22 de abril participou no foro Políticas culturais municipais, 40 anos despois, organizado polo Consello da Cultura Galega (pode verse no enlace https://www.youtube.com/watch?v=1HMLnA043-c, entre os minutos 12:50 e 1:04:55). A súa contribución materialízase nun texto, que, o propio autor indica, “non foi pensado para ser publicado e si dramatizado oralmente. Insistíronme moito na duración da miña intervención, de aí que fose tan conciso. Non é doado, pois moitos outros aspectos merecerían ser falados, pero hai que optar”.
Polo interese da análise do profesor Pose, e a pesar do sintético da mesma, traémola á páxina do Ceesg ao cadrar a súa visión co modelo de xestión cultural que lle é propia á Educación Social, co convencemento de que a súa lectura aportará luz e valiosos elementos de reflexión sobre o traballo que desenvolvemos como xestores/as culturais.

Grupo de Traballo en Animación Sociocultural e Xestión Cultural

Colexio de Educadoras e Educadores Sociais de Galicia

A medida de acollemento familiar supón dar ás e aos menores a oportunidade de crecer en ambientes normalizados con figuras seguras de referencia, nun ambiente de afecto e sostén e sen romper, na medida que se poida, o contacto coa súa familia biolóxica.

Esta formación achegaranos claves para a intervención nas diferentes etapas dos procesos de acollemento familiar, así como ferramentas e estratexias para a intervención en diferentes situacións.

Destinatarias/os: colexiadas/os e amigas/os do Ceesg.

Data: 1 de xuño de 2022 de 16:30 a 20:30 h.

Lugar: Sede do Ceesg, Santiago de Compostela.

Inscrición: Gratuíta. Prazas limitadas, adxudicaranse por orde de inscrición.

Formulario de inscricións

Ver detalles da formación

Dende o Ceesg compartimos e animámosvos a cumprimentar esta enquisa englobada dentro do proxecto ‘Educación Social y COVID-19 en Iberoamérica: exclusión sociolaboral tras la pandemia y buenas prácticas para la inclusión’.

Este proxecto ten como obxectivo xeral, analizar as problemáticas de exclusión sociolaboral tras o COVID-19 en Iberoamérica (no noso caso específico, en España) que foron atendidas por educadoras/es sociais e recoñecer as boas prácticas para a inclusión. Todo iso coa finalidade de coñecer as situacións prioritarias de exclusión sociolaboral e as principais poboacións afectadas; estudar os recursos e programas principais das entidades públicas e privadas para a inserción sociolaboral; identificar elementos e factores de protección nos procesos de inserción sociolaboral; así como establecer indicadores de inserción e propostas de acción efectivas ou consideradas como ‘boas prácticas’.

Todos estes elementos desenvolveranse nunha metodoloxía multimétodo tendo en conta unha mostraxe por conglomerados estratificados por rexións en cada país. Dese modo, os instrumentos que acompañan ao proceso son unha enquisa e un grupo de discusión (a informantes clave de cada país) no que participarán administracións públicas e entidades privadas (ONGs e empresas).

Enlace á enquisa en liña

Dende o Ceesg decidimos unirnos á aplicación de mensaxería Telegram cunha canle para difundir a nosa actividade e a actualidade da Educación Social.
Ademais da nosa presenza en redes sociais como Facebook, Twitter, Youtube, e máis recentemente Instagram, esta canle en Telegram permitiranos anunciar todas a información e o contido máis relevante que compartimos en redes sociais de xeito rápido e directo no teu móbil (sen depender dos algoritmos que rexen as redes sociais)
Se queres recibir todas as novidades e información do Ceesg do xeito máis cómodo, subscríbete á nosa canle facendo clic no seguinte enlace:

Subscríbete ao Telegram do Ceesg

Con motivo do Día Internacional contra o bullying, o Colexio de Educadoras e Educadores Sociais de Galicia (Ceesg) quere destacar a necesidade de apostar por estratexias institucionais eficaces que transformen aos centros educativos en espazos libres de acoso escolar. A literatura científica indica que resulta imprescindible a atención ao factor social nas escolas. O camiño cara un sistema educativo inclusivo so é posible si se atenden ás necesidades socioeducativas que están na etioloxía dos procesos de exclusión escolar. Resultados de investigacións recentes, feitas na Universidade de Vigo, indican a maior vulnerabilidade que, nos procesos de Bullying, vivencian as e os adolescentes que transgreden a norma de xénero, así como as/os que pertencen a grupos étnicos minoritarios (Carrera et al., 2021). A escola presenta déficits na atención ao factor social, situando nunha situación de vulnerabilidade pedagóxica ao 28% do estudantado (Fernández-Simo et al., 2022).

Dende o Ceesg vimos reivindicando que a Consellería de Educación adopte unha postura pro activa na dotación de recursos aos centros escolares que permitan que a escola sexa un espazo seguro e inclusivo. Para que isto sexa posible, compartimos as propostas da literatura científica sobre a materia e propomos:

• Que a planificación educativa da administración pública teña en conta a dimensión socioeducativa. A atención a este factor é imprescindible para a equidade educativa e para a loita contra o bullying.
  
• Que se incorporen educadoras e educadores sociais aos centros escolares. A educación social é a disciplina de referencia nos procesos de intervención socioeducativa.

Colexio de Educadoras e Educadores Sociais de Galicia.

Referencias:
Carrera-Fernández, M.V., Almeida, A., Cid-Fernández, X.M., González, A., & Fernández-Simo, D. (2021). Troubling secondary victimization of bullying victims: the role of gender and ethnicity. Journal of interpersonal violence Journal of Interpersonal Violence, 1–31. https://doi.org/10.1177/08862605211005151
Fernández-Simo, D., Cid-Fernández, X.M. Carrera-Fernández, M.V. (2022). Deficits in the Socio-educational School Inclusion Strategy for Students with Social Difficulty in Spain during the Covid-19 Pandemic. Center for Educational Policy Studies Journal. https://doi.org/10.26529/cepsj.1124