Durante o mes de xuño levaremos a cabo un curso sobre acollemento familiar, que será impartido por Acougo.
Con esta formación abordaremos a prevención da retirada de menores ás súas familias, pero tamén afondaremos nos recursos que ofrece o acollemento familiar, as súas vantaxes respecto á institucionalización e como traballar de cara a suplir a institucionalización cos acollementos. Ademais, serviranos para crear e fortalecer redes entre os distintos axentes do sistema de protección á infancia.

• Datas: do 5 ao 30 de xuño.
• Duración: 30 h.
  
• Modalidade: En liña, a través da aula virtual do Ceesg.
  
• Contidos: 5 bloques, dedicando 6 horas a cada bloque.
  
• Avaliación: Realizarase unha proba final de cada un dos bloques realizados.
  
• Prezo: 55€.
• Dirixido a: Colexiadas/os ou amigas/os do Ceesg. Tamén poden participar colexiadas/os e figuras análogas á de ‘amigas/os’ de colexios profesionais de Educación Social doutros territorios.
• Data límite de inscricións: 29 de maio de 2023.
  

Ver información detallada do curso

Ir ao formulario de inscricións (prazo pechado)

Consulta aquí a normativa de formación do Ceesg

Presentamos unha nova proposta de traballo plantexada pola Federación de SOS Racismo e organizada polo Colexio de Educadoras e Educadores Sociais de Galicia (Ceesg). Ten como obxectivo contribuir á mellora da atención ás persoas migrantes, persoas racializadas e pertencentes a minorías a través da formación de profesionais do ámbito da intervención social, a administración pública, operadores xurídicos e academia.

O curso está dirixido a colexiadas/os do Ceesg, amigas/os do Ceesg ou educadoras/es sociais colexiadas/os noutros territorios. Desenvolverase en dúas sesións, estruturándose en dous módulos de 3 horas de duración, cunha avaliación final.

A metodoloxía formativa combina a formación presencial e o traballo a distancia, acadando unha duración lectiva total de 30 horas. Ademais dos certificados de asistencia, facilitarase material de consulta.

Estes son algúns dos contidos que veremos neste curso:

• Ferramentas para loitar contra o racismo, delitos de odio e discriminación racistas.
• Discurso do Odio racista Que é? Como recoñecelo?
• Cambiemos de marco. De narrativas opresoras a transformadoras.
• Nova Lei 15/2022, de 12 de xullo, integral para a igualdade de trato e a non discriminación Racismo; Xenofobia, discriminación e Odio: Como defender ás vítimas?

Datas: 1 e 8 de xuño.

Horario: 9:30 a 12:30 h.

Lugar: Casa das Asociacións de Cornes (Santiago de Compostela)

Inscrición: gratuíta, previa inscrición (ata o 25 de maio).

Prazas limitadas.

Enlace de inscrición.

Estas son as ofertas de emprego máis recentes publicadas na web do Ceesg:

• Educador/a social
• Docente
• T. de intervención e apoio escolar
• Mediador/a centro de acollida
• Docente actividades tempo libre
• Orientador/a laboral
• T. de igualdade e inclusión
• Monitor/a de tempo libre
• Educador/a social
• Educador/a social
• Educador/a familiar
• Educador/a social
• Axente de emprego e desenvolvemento local
• Orientador/a laboral
• Encargado/a biblioteca e OMIX
• Mediador/a
• T. de inserción laboral
• Téc. De voluntariado
• Docente obradoiros de memoria
• Monitor/a residencia terceira idade
• Monitor/a de educación e tempo libre
• Educador/a social
• T. medio en orientación profesional
• Orientador/a profesional para a inserción

Se estás á procura de emprego, recorda visitar regularmente a nosa web para estar ao tanto de todas as novidades.

Promotor/a de igualdade de xénero Animador/a sociocultural Técnica/o sociocultural

No Día Internacional contra o acoso escolar, dende o Ceesg queremos sumarnos á chamada de atención sobre a necesidade de abordar e poñerlle fin a este problema.

O avance en canto á percepción social deste problema é evidente, xa que existe cada vez unha maior sensibilización. Mais é unha necesidade imperante que as autoridades educativas afronten a situación con estratexias que garantan que as escolas sexan un espazo de seguridade e confianza para todos os nenos, nenas e adolescentes.

Atender o factor social dende as escolas, incorporando un enfoque de educación integral , pode ser a chave para atallar este problema. A prevención, a detección e intervención inmediata, o apoio a vítimas e agresores, a resolución pacífica de conflitos, o fortalecemento de habilidades sociais e emocionais, a mellora da comunicación… son cuestións que deben ser reforzadas para a creación dun ambiente escolar inclusivo, respectuoso e seguro. O Ceesg propón como estratexia a incorporación de profesionais de educación social, como axente de atención á dimensión social da escola, e como figura de referencia e confianza para as crianzas.

Dende o Ceesg esiximos un compromiso forte por parte das autoridades educativas, e ofrecémonos no que estea na nosa man, para construír un futuro sen acoso escolar.

Colexio de Educadoras e Educadores Sociais de Galicia

Un ano máis, a Fegamp confía no Ceesg para impartir unha das accións do seu Plan de formación continua.

Nesta ocasión, o curso é ‘Intervención socioeducativa con violencia machista: aportes metodolóxicos dende a Educación Social’.

Trátase un curso en liña de 40 horas de duración, que dispón de 50 prazas, dirixido a educadoras/es sociais das administracións locais de Galicia, tanto dos servizos sociais comunitarios como doutros departamentos específicos, así como das Deputacións provinciais.

O curso será do 2 ao 30 de outubro e o prazo de inscrición está aberto do 19 ao 25 de abril.

Ver detalles da formación

Información xeral sobre o Plan de Formación continua 2023 da Fegamp

Estas son as ofertas de emprego máis recentes publicadas na web do Ceesg:

• Persoal para prevención de condutas adictivas
• Educador/a familiar
• Apoio a persoas con diversidade funcional

Se estás á procura de emprego, recorda visitar regularmente a nosa web para estar ao tanto de todas as novidades.