Dende o Colexio de Educadoras e Educadores Sociais de Galicia (Ceesg), en colaboración coa Dirección Xeral de Familia, Infancia e Dinamización Demográfica da Xunta de Galicia, queremos convidar ás educadoras e educadores sociais que traballan nos Servizos de Educación e Apoio Familiar dos concellos galegos á Acción Formativa SEAFs 2023, que organiza o Ceesg e que se incorpora dentro da formación específica promovida dende a Xunta de Galicia.
A intencionalidade deste encontro é fortalecer o traballo en rede das profesionais de Educación Social dos distintos concellos de Galicia polo que a xuntanza debe ter carácter presencial, para favorecer espazos de relación e coñecemento. O encontro formativo terá lugar na Residencia de Tempo Libre de O Carballiño os días 20 e 21 de abril do 2023.
Esta formación é financiada pola Dirección Xeral de Familia, Infancia e Dinamización Demográfica. A cota de inscrición corresponde unicamente ao gasto derivado polo prezo público de aloxamento e manutención.

Esta información foi enviada aos concellos galegos vía correo-e, coa petición de facela chegar ás persoas destinatarias, incluíndo o enlace de inscrición. No caso de que cumpras os requisitos de participación e non chegases a recibila, contacta con formacion@ceesg.gal para facilitarche o enlace ao formulario. Tamén está dispoñible o enlace no MATIASS.

• Lugar: Residencia de Tempo libre do Carballiño.
• Datas: 20 e 21 de abril de 2023.
• Persoas destinatarias: educadoras/es sociais que traballen nos Servizos de Educación e Apoio Familiar dos concellos galegos.
• Cota: 23,81€ (aloxamento e comidas). Sen comidas nin aloxamento: gratuíto.
  

Estas son as ofertas de emprego máis recentes publicadas na web do Ceesg:

• Educador/a social
• Educador/a social
• Operador/a teleasistencia
• Educador/a social

Se estás á procura desemprego, recorda visitar regularmente a nosa web para estar ao tanto de todas as novidades.

O vindeiro mércores 29 de marzo teremos unha nova presentación do libro ‘A Educación Social’ de Os Bolechas.
Volvemos a Compostela, onde nos acollerá a Facultade de Ciencias da Educación (Campus Vida).

O libro-guía ‘A Educación Social’ de Os Bolechas é unha ferramenta que visibiliza a profesión, que a explica, que fala da súa importancia e do seu impacto social nunha linguaxe que as nenas e nenos poden comprender.

Non perdas a oportunidade de facerte cun dos exemplares desta edición limitada dos Bolechas que podes reservar na páxina web do Ceesg.

Mércores 29 de marzo ás 10:30 na aula 6-7 (módulo A).

O pasado sábado 25 de marzo tivo lugar a Asemblea do Ceesg.

As propostas levadas á asemblea foron aprobadas (acta da asemblea anterior, memorias económica e de actividades, orzamento e plans de traballo, e propostas económicas) Toda a documentación segue estando dispoñible para consulta na web do Ceesg, e pronto se actualizará a información xeral coas propostas económicas aprobadas, é dicir, a conxelación de cotas de mantemento colexial para o ano 2023, o cobro de cota por emisión de certificados a persoas non colexiadas, e redución de cota de alta para persoas tituladas recentes.

Previa á asemblea, tivo lugar unha formación na que puidemos reflexionar sobre o papel das educadoras e educadores sociais no acompañamento socioeducativo, e tamén se presentou o libro ‘A Educación Social’ de Os Bolechas, así como unha guía didáctica para o uso deste, que nos achega ideas de traballo coas crianzas para que coñezan a profesión e os seus contextos.

Nas nosas redes sociais podedes ver algunhas fotografías da xornada.

Grazas a todas as persoas que asistiron e participaron na Asemblea.

Informamos de que esta semana (do 27 ao 31 de marzo) o horario de atención polas tardes será o luns e o mércores de 16:00 a 18:00 h.
O horario de mañá permanecerá como habitualmente (de 9:00 a 14:00 h.)

Os días 3, 4 e 5 e abril non haberá atención ao público presencial nin telefónica. Podes contactar por correo-e e atenderémoste o antes posible.

Estas son as ofertas de emprego máis recentes publicadas na web do Ceesg:

• Téc. de participación
• Téc. de orientación laboral
• Téc. de igualdade e inclusión
• Téc. de unidade de apoio
• Titor/a de oposicións
• Educador/a familiar
• Preparador/a laboral
• Persoal técnico de educación para o desenvolvemento
• Téc. social
• Orientador/a laboral
• Educador/a social
• Orientador/a laboral
• Monitor/a de tempo libre

Se estás á procura de emprego, recorda visitar regularmente a nosa web para estar ao tanto de todas as novidades.