O coidado da saúde mental na infancia e na adolescencia conta con problemas estruturais que requiren unha estratexia coordinada e pactada coa sociedade, con medidas, consensuadas coa comunidade educativa e con todos os axentes implicados no coidado comunitario da saúde mental.

Por iso, a Fundación Salma lidera unha iniciativa de traballo para un gran Pacto para a Mellora da Saúde Mental Infanto Xuvenil en Galicia. O Ceesg sumouse hai meses ás mesas de traballo, das que resultou un texto ao que se poden sumar persoas e entidades ata o día 30 de setembro. Posteriormente, presentarase o texto aos grupos parlamentarios galegos.

Ver información completa e texto do pacto na web da Fundación Salma

Nas últimas semanas, o Ceesg presenou recurso de reposición ás prazas de Orientador/a-prospector/a laboral do Concello de A Laracha, Educador/a Familiar do Concello de Mazaricos, e Educador/a Familiar do Concello de San Sadurniño, así como a varios procesos de selección de persoal directivo de obradoiros de emprego (Melide, Arteixo, Oleiros, Curtis, Muros, Noia e Vimianzo)

Continuamos na divulgación das funcións que podemos levar a cabo dende a Educación Social e na reclamación do noso propio espazo profesional onde corresponda.

Os días 9 e 10 de setembro de 2022 celebrouse en Zarazoza a Asemblea Xeral Extraordinaria do CGCEES, sendo o tema central a celebración de eleccións á Xunta de Goberno.
A presidenta, Lourdes Menacho Vega, foi reelexida por unanimidade dos dezasete colexios profesionais e liderará un equipo no que estarán presentes nove colexios, entre eles o Ceesg, no cargo da Vicepresidencia. O plan de traballo para os vindeiros 4 anos será unha continuidade do mandato anterior, incidindo especialmente no traballo en equipo con todos os colexios e a súa participación nas Comisións do CGCEES.

Composición da nova Xunta de Goberno do CGCEES para el periodo 2022-2026:

• COPESA Andalucía: Presidencia-Lourdes Menacho Vega
• CEESG Galicia: Vicepresidencia-Noelia Rodríguez Álvarez
• GHEE CEESPV País Vasco: Secretaría General-Aitor Ávila Ruiz
• COEESCV Valencia: Tesorería-Vicent Faubel Aigües
• CEESCAN Canarias: Vocalía-Jennifer Mª Herrera Rodríguez
• CESCLM Castilla-La Mancha: Vocalía-Virginia Espinosa Gallego
• CEESC Catalunya: Vocalía-Xavier Puig Santulària
• CEESARAGÓN Aragón: Vocalía-Juan Manuel García Moreno
• CPEESM Madrid: Vocalía-Pablo Sánchez Mirete

Este ano celebraremos o Día Internacional da Educación Social coa celebración dunha Convivencia de profesionais e estudantes de educación social, na que pode participar calquera persoa interesada, xa que contamos cun programa cheo de actividades diversas: formación, feira de entidades, actividades culturais, actuacións musicais, natureza… que será os días 1 e 2 de outubro en Lobios (Ourense)

Estamos agora na recta final para quen queira inscribirse coa tarifa reducida (ata o 15 de setembro, incluído)
Recordamos que hai diferentes opcións de inscricións, coa posibilidade de asistir un ou dous días, e que a cota de inscrición inclúe:

• Participación no Seminario Internacional da Educación Social
• Pernocta en pavillón (para quen o solicite)
• Roteiro guiado (para quen o solicite, prazas limitadas)
• Actividades do sábado á tarde (entrada libre)
• Festival de música (entrada libre)
• Segundo a opción escollida, inclúense diferentes comidas: xantar do sábado, magosto, e almorzo e xantar do domingo.
  

Animamos a todas as colexiadas e colexiados a unirvos a esta festa da Educación Social, recordando que na nosa web hai información sobre opcións de aloxamento alternativas, con prezos especiais para participantes na Convivencia.

Ver o programa definitivo

Ir ao formulario de inscricións

Ir á web da convivencia

O Xurés Son é un espazo de cultura popular e música, co que compartiremos espazo o vindeiro 1 de outubro, e que conta cunhas actuacións musicais que serán o peche perfecto para a primeira xornada da Convivencia Interuniversitaria e profesional de Educación Social.

Así, o sábado 1 de outubro poderemos disfrutar de varias actuacións en directo, comezando pola Homenaxe á muller rural, no que, ademais de proxectar a exposición ‘Bravas do Xurés’, actuarán varias educadoras sociais que tamén se dedican á música: Alicia González (Andasoa), Sara Álvarez e Selene Casal.
Despois, actuarán The Nunzias Rock Band e a Banda de Garda.
Para rematar esta parte musical, organizaremos un ‘Espazo DJ’ no que escoller a música, e o estudantado de Educación Social está facendo unha selección musical diversa e respectuosa con todas as diversidades, demostrando que podemos divertirnos sen estigmatizar nin cousificar.

Todas as actividades da tarde e o festival son de balde, pero ten en conta que haberá un suculento magosto, e que para poder saborealo hai que inscribirse previamente (10 € antes do 15/09 e 15€ despois)

Ver programa

Formulario de inscricións

Toda a invormación sobre a Convivencia na web do Ceesg

Do 5 de outubro ao 2 de novembro desenvolvemos un curso, en colaboración con Psimática Aula Virtual, que ten como obxectivo introducir ás/aos profesionais na mirada relacional que proporcionan os principios da teoría do apego e sobre o trauma, de maneira que adquiran novas ferramentas prácticas tanto para facer unha análise máis rigorosa dos casos, como para situarse dunha maneira máis comprensiva e bentratante na relación coas persoas a quen acompaña.

Esta edición do curso é exclusiva para educadoras/es sociais colexiadas/os (tanto no Ceesg como en calquera colexio profesional integrante do CGCEES). O curso impartirase en castelán.
Tamén pode participar alumnado de Educación Social que estea de alta como Amigo/a do Ceesg, e figuras análogas doutros colexios pertencentes ao CGCEES.

Contidos

• MÓDULO 1. Introdución á teoría do apego: conceptos básicos. De onde vimos?
• MÓDULO 2. Aplicacións da teoría do apego segundo a perspectiva sistémica. Como se ve afectado o apego na relación cos demais?
• MÓDULO 3. Coidado, autocoidado e autorregulación emocional. Como repercute o apego na relación co meu propio mundo interior?
• MÓDULO 4. A mentalización como intelixencia dirixida ao corpo. Que nos di a teoría do apego respecto á nosa rede profesional?

O curso inclúe contido teórico especialmente escrito polo profesor para este curso, que poderás descargar en PDF; resumos de contidos do esencial de cada clase (descargable), un vídeo en cada clase que axuda a consolidar a aprendizaxe dos contidos; documentación complementaria (artigos, webs, etc.) a través dos cales afondar en distintos aspectos, e foros, onde alumnado e profesor compartirán espazo para aclarar conceptos, facer preguntas, achegar novos materiais, etc.

Ver dossier completo do curso (recolle detalladamente os contidos, así como información sobre a metodoloxía, comunicación co profesor, criterios de avaliación, etc.)

Ir ao formulario de inscrición

Datos básicos da formación:

• Datas: do 5 de outubro ao 2 de novembro.
  
• Modalidade: En liña.
  
• Prezo: 185 euros.
  
• Inscricións ata o 28 de setembro